Дарко Паскоски го извади светиот крст од водите на реката Црн Дрим во Струга
Четириесет и тригодишниот Дарко Паскоски од Струга беше најсреќен меѓу големиот број верници што денеска скокнаа во студените води на реката Црн Дрим и го извади светиот крст.
Паскоски, кој традиционално секоја година скока во осветените води на Црн Дрим, по четврти пат го вади светиот крст.
- Секоја година за Богојавление скокам по крстот во светите води на реката Црн Дрим. Четврти пат го фаќам и сакам традицијата да продолжи и крстот да влезе во секој дом, истакна Паскоски.
Очекува светиот крст да му донесе среќа и да го освети неговиот дом, како што било и претходните години, кога секое фаќање на крстот носело нешто убаво во неговото семејство.
- Очекувам да донесе среќа, да го освети домот. Да се помолиме сите за здравје и спасение. Секоја година си носеше по нешто убаво. Се надевам така ќе биде и годинава, нагласи среќниот фаќач на светиот крст.
Тој беше даруван со пригодни подароци од црквата, кумот на манифестацијата и спонзори.
Чинот на осветување на водите го изврши митрополитот Дебарско-кичевски и администратор Австралиско-сиднејски, Тимотеј, кој од Чаршискиот мост во Струга го положи светиот крст во водите на реката Црн Дрим.
На Богојавленската манифестација во Струга покрај големиот број верници присуствуваа и градоначалникот Рамис Мерко и претставници од власта и опозицијата.
Ново на Сител
-
Роналдињо стана косопственик на американски клуб
-
Лига на нации: Македонија убедлива на гостувањето кај Летонија
-
Најмалку 10 жртви од ураганот Милтон на Флорида
-
Бајден и Харис со остри критики до Трамп за лажните тврдања околу одговорот на владата по катастрофалните урагани
-
Делегација на ЕУ: Ја нагласуваме важноста од континуирано спроведување на Охридскиот договор
-
Шефот на НАТО: Не грижете се ако евентуално победи Трамп на изборите во САД
-
Бројот на диви животни за 50 години се намалил за 73 отсто
-
Малолетници ограбени во Центар - им се заканиле со нож