Данскиот парламент ќе се расправа за предлог-законот за одземање вредности од мигрантите

Данскиот Парламент ќе расправа денеска за предлог-законот според кој на мигрантите ќе им бидат одземани скапоценостите за да се плати претстојот во центрите за азил.

Се претпоставува дека предлог-законот ќе биде усвоен бидејќи данската Влада обезебди мнозинство во Парламентот за тоа прашање.

Гласањето за предлог-законот е предвидено за 26 јануари.

Со него е предвидено данските власти да можат да запленат пари од мигрантите, ако сумата е над 1.340 евра, како и поединечни предмети чија сума е поголема од предвидената. Нема да бидат одземани само бурмите и другите предмети кои имаат сентиментална вредност.