Дали чоколадното млеко е здраво за децата?
Иако можеби пиеле чоколадно млеко како деца, родителите вообичаено се прашуваат дали тоа слатко детско задоволство е здраво за нивните деца, пред сѐ – поради додадениот шеќер.
Според порталот „Парентс“ (Parents), чоколадното млеко е добро и за вас и за вашите деца. Имено, оваа напивка обезбедува калциум, витамин Д и други есенцијални хранливи материи. Тоа може да помогне во надополнувањето на недостатоците на хранливи материи со коишто се борат многу деца, а истовремено е одлична опција за пребирливите деца, или оние кои не го сакаат обичното млеко.
Чаша чоколадно млеко од 250 милилитри содржи приближно 150 калории, осум грама протеини, 24 грама јаглено-хидрати и 10 грама додаден шеќер. Иако има дополнителен шеќер, овој напиток сепак обезбедува хранливи материи што се важни за растот на децата. За споредба, шолја обично млеко содржи 105 калории и 12 јаглено-хидрати, без додадениот шеќер.
Млекото е основна храна за децата, бидејќи содржи 18 од 22 есенцијални хранливи материи. Истражување објавено во списанието „Нутришн енд метаболизам“ (Nutrition and Metabolism), во коешто учествувале примероци од населенија од целиот свет, ги открива здравствените придобивки и од млекото во исхраната, меѓу другото.
Така, се вели, чаша млеко дневно се поврзува со помала опасност од кардиоваскуларни болести, мозочен удар, висок притисок, метаболички синдром, дебелина, остеопороза, дијабетес тип 2 и Алцхајмерова болест.
Сепак, треба да се нагласи дека е точно тоа што, млекото со вкус на чоколадо или јагода може да содржи повеќе шеќер отколку што се препорачува за деца под двегодишна возраст.
Ново на Сител
-
Подготовките за локалните избори во полн ек – Таравари на излезна врата
-
И Димитриевски и СДСМ ги повикаа истражните органи да утврдат дали има корупциски скандал во Куманово
-
Предлог-закон на СДСМ за помош на настраданите од Кочани, од ВМРО-ДПМНЕ нема да го поддржат - имаат свој план за помош
-
Истрагата за пожарот во Кочани во полн ек, родителите обвинуваат за масовно убиство
-
Кој треба да истражува дали има фиктивна вакцинација на деца со лажни потврди?
-
Медицинска опрема вредна 13 милиони евра не се користи и скапува во подруми утврди ДЗР
-
Засега ќе нема нови мерки за цените – хигиенските производи во дел од маркетите поскапеа за над 50%
-
Отворена новата градинка „ Пролет“ во општина Центар