Фудбал
20. July 2016 - 15:18

Цуцули: Се надеваме дека ќе излеземе како победници

Македонскиот претставник во Лигата на Европа на УЕФА, тимот на Шкендија од Тетово утревечер против Нефчи ќе брка победа за пласман во следната фаза.
 
На денешната средба со новинарите оптимистички расположен беше и заменик-капитенот Цуцули.
 
- Ова е сега поинаков натпревар. Нема изненадувања. Сега двете екипи добро се познаваме. На првиот меч покажавме дека имаме квалитет. Нефчи не е наивна екипа, имаат добри и лоши страни. Очекувам утре да биде поинаков меч. Сепак се надевам дека ние ќе овојпат ќе имаме повеќе среќа за разлика од првиот дуел и дека ќе излеземе како победници, односно дека добро ќе го претставиме македонскиот фудбал.
 
Натпреварот Шкендија – Нефчи ќе се игра утревечер од 20 часот на „Филип Втори“ во Скопје. Првата среба во Баку заврши нерешено 0:0.