Црна Гора повторно воведува служење воен рок
Доброволното служење воен рок ќе биде повторно воведено во Црна Гора во 2019 година, соопшти црногорското Министерство за одбрана.
Министерството нагласи дека главна причина за враќање на таа граѓанска обврска е заинтерсираноста на младите за служење на воениот рок.
Оваа новина ќе биде воведена 13 години откако Војската на Црна Гора ја укина обврската за служење воен рок.
Истражувањето на Атлантскиот сојуз на Црна Гора покажа дека повеќе од половина од младите испитаници би служеле воен рок.
На примерок на лица до 25 години 55 отсто одговориле потврдно на прашање дали се подготвени доброволно да служат воен рок.
Михаило Волков од црногорското Министерство за одбрана изјави денеска дека долгорочниот план за развој на одбраната предвидува воведување доброволно служење војска, а тој владин ресор е дотогаш должен да обезбеди законски рамки и финансиски предуслови за спроведување на проектот.
- Ќе имаме конкурс на кој ќе се пријават млади луѓе, рече Волков.
Обуката ќе трае три месеци, а за целото време на служење на воениот рок ќе биде предвиден и паричен надомест. По служење на воениот рок заинтересираните ќе имаат можност и да станат професионални војници.
Ново на Сител
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток
-
Митевски: Најдоцна до крајот на септември зонско паркирање во Ново Лисиче и Реонски центар
-
Поевтинуваат бензините и дизелот
-
Повторно поставен споменикот на Андон Лазов-Ќосето
-
Изминатиов викенд 1148 сообраќајни прекршоци на територија на цела држава, 458 за брзо возење