Црна Гора денеска станува 29-та членка на НАТО
Црна Гора денеска официјално ќе биде примена во членство во НАТО, на церемонија што ќе се одржи во американскиот Стејт Департмент, јави денеска црногоската државна телевизија РТЦГ.
Според протоколот, на цермонијата во Вашингтон, црногорскиот премиер Душко Марковиќ на американскиот државен потсекретар Томас Шанон ќе му ги предаде документите за ратификација на членството во НАТО, со што Црна Гора официјално ќе стане 29-та членка на Алијансата.
Предвидено е на цермонијата да присуствува и генералниот секретар на НАТО, Јенс Столтенберг.
По официјалниот прием, на 7 јуни, пред седиштето на НАТО во Брисел ќе биде подигнато и знамето на Црна Гора. На оваа церемонија е предвидено да присуствува црногорскиот претседетел Филип Вујановиќ.
Во исто време, црногорското знаме ќе биде подигнато и пред Воената комада на НАТО во белгискиот град Монс и пред Задужената команда на Алијансата во американскиот град Норфолк.
Марковиќ за време на посетата во Вашингтон ќе се состане со потпретседателот на САД Мајк Пенс.
Ново на Сител
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово
-
ДСЗИ повторно ќе оди во вонредна контрола на Токсикологија