ЦО на СДСМ го утврди Заев за мандатар за состав на влада
Централниот одбор на СДСМ на денешната седница, како што соопшти попладнево, едногласно го утврди претседателот на СДСМ за мандатар за состав на новата влада на Република Македонија.
- Чест е, моја и на СДСМ, што по скоро 11 години режим, добиваме можност да ја формираме новата демократска влада на Македонија. Нашите цврсти определби се тоа да биде реформска влада во којашто приоритет број еден се интересите на граѓаните на Македонија. Се определивме за квалитетен живот на сите граѓани, во едно, праведно и правично општество за сите и се што правевме досега во оваа фаза на обезбедување на парламентарното мнозинство, беше водејки се исклучиво од тој интерес на граѓаните, согласно Уставот на Република Македонија, рекол претседателот на СДСМ Зоран Заев пред членовите на Централниот одбор.
Тој додал дека следува период во кој ќе се посветат на поставување квалитетна владина програма.
Заев, со неговото утврдување за мандатар за состав на новата влада, се додава во соопштението, доби поддршка и овластување од Централниот одбор да влезе во преговори за владината програма и за новиот владин состав.
Како што истакнуваат од СДСМ, Заев ги информирал членовите на ЦО на СДСМ, пратениците, претседателите на ОО, градоначалниците од редовите на СДСМ присутни на состанокот, за текот и содржината на разговорите со политичките партии кои имаат добиено мандати во Собранието на Република Македонија.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето