Ципрас со повик до пратениците да го одобрат економскиот пакет за спас на државата

Грчкиот премиер Алексис Ципрас ги повика денеска пратениците да одобрат економскиот пакет помош од 85 милијарди евра кој го оквалификува како „неопходен избор“ за државата.

Обраќајќи се во парламентот пред пратениците да гласаат за договорот со кредиторите, Ципрас наведе дека министерот за финансии Евклидис Цакалотос ќе води битка на средбата на Еврогрупата денеска за да избегне закана од преоден заем.

Според Ципрас, преодниот заем кој и се предлага на Грција како замена, би значел враќање кон „бескрајна криза“.