Ципрас ќе ги информира претседателот, министрите и лидерите на политичките партии за името
Грчкиот премиер Алексис Ципрас, на одделни состаноци, ќе ги информира претседателот на државата, раководството на Министерството за надворешни работи, коалициониот партнер во владата и лидерите на политичките партии за последните случувања во прашањето со името.
Според грчките медиуми, Алексис Ципрас утрово веќе имал средба со неговиот коалициски партнер и министер за одбрана Панос Каменос, а за 15 часот е закажан мини министерски совет во премиерската палата, на кој ќе присуствува и шефот на грчката дипломатија Никос Коѕијас и неговите заменици.
Дописникот на МИА од Атина јавува дека попладнево, во 18.30 часот, грчкиот премиер ќе се сретне и со претседателот Прокопис Павлопулос за да го информира за „развојот на настаните во националните прашања“.
Во текот на утрешниот ден, според соопштение на кабинетот на премиерот, Ципрас во премиерската палата ќе има одделни средби со лидерите на политичките партии.
Останува отворено прашањето колку од претседателите на партиите и членови во грчкиот парламент ќе ја прифатат поканата на Ципрас.
Ново на Сител
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница
-
Поевтинуваат горивата ова се новите цени
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор