Четири години по заловувањето, рисицата Атиџе забележана во Националниот парк Маврово | ВИДЕО
МЕД објави видео во кое се гледа дека рисицата Атиџе сè уште талка во шумите на Националниот парк „Маврово“. Регистрирањето на рисицата Атиџе доаѓа четири години откако таа беше заловена и обележана со околувратник.
Од МЕД велат дека видеото е ретка можност на која „рисаџиите“ може да засведочат.
Рисицата Атиџе од страна на Македонското еколошко друштво беше означена близу селото Ничпур, во НП „Маврово“. Атиџе тогаш беше тешка 14,5 килограми, а стара околу 10 години. Преку околувратникот, како и сите обележани рисови, испраќа локации за своето движење.
Претходно, од Македонското еколошко друштво (МЕД) со Националниот парк „Маврово“, со помош на кафез-замка заловија нова единка балкански рис на планината Бистра, во близина на селото Ростуше.
Тоа беше деветта различна единка рис заловена во рамки на истражувачките активности од Програмата за закрепнување на балканскиот рис кои МЕД систематски ги спроведува од 2010 година.
Според Меѓународната унија за зачувување на природата (IUCN), рисот е животно со критично загрозен статус.
Ново на Сител
-
Таравари: Јас поднесувам оставка, другите ќе бидат разрешени
-
Зеленски рече дека е подготвен за каков било формат за преговори за ставање крај на војната
-
Пратениците донесоа повеќе закони, долга дискусија по измените на Законот за Инспекторат за употреба на јазиците
-
Приведен 33 годишник од Битола, при претрес на неговиот дом пронајдени се дрога и воздушна пушка
-
Студентите од Правниот факултет во Ниш поднесоа кривична пријава против Вучиќ поради посетата на пациенти од Кочани во УКЦС
-
Почна протестот на семејството на Фросина Кулакова која загина во сообраќајка на „Партизанска“
-
Обвинителството бара замена на мерката „притвор“ со „куќен притвор“ за поранешен министер за економија и државен секретар за трагедијата во Кочани
-
„Тајмс оф Израел“: Нетанјаху побарал од Трамп да не ги укинува санкциите за Сирија