Честитка од Комисијата за односи со верските заедници до МПЦ по повод Св. Климент
Директорот на Комисијата за односи со верските заедници и религиозни групи Валентина Божиновска денеска упати честитка до членовите на Светиот Архиерејски Синод на Македонската Православна Црква и до архиепископот охридски и македонски г. г. Стефан по повод големиот христијански празник Свети климент Охридски.
- Патронот на нашата Македонската Православна Црква - Охридска Архиепископија, Свети Климент Охридски е несомнено најсветлата личност од нашата историја, чие дело и слово, зрачи и ги облагородува сите генерации. Неговото творештво, создавањето на кирилицата, како и целокупната негова црковна, педагошка, книжевна и преведувачка дејност, претставуваат светол пример за тоа како се сака и како се чува идентитетот на македонскиот народ, стои во честитката.
Како што пишува Божиновска, силата на ова слово, втемелена во неговиот лик и мисија претставува најцврстиот бедем на спасоносното дело на македонските светители, духовна азбука, која и денес продолжува да биде светла патека по која чекорат многу народи во светот.
- Токму затоа, во овие празнични мигови, во годината кога славиме јубилеј 11 века од неговото упокојување, да ја упатиме големата македонска мисија кон доброто за сите народи, зацврствување на вербата во Бога со големата потврда дека Македонија е и продолжува да биде голем светилник во големото ев¬роп¬ско семејство со неизмерната сила и моќ што ни ја дарува овој голем светец, наведува директорката во честитката по повод празникот.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро