Чешката влада одобри продолжување на мисијата на полицајци во Македонија и Унгарија
Чешката влада ќе испрати 50 полицајци во Унгарија, а на 40 полициски припадници кои веќе се во Македонија ќе им биде продолжена мисијата до 11 септември, јави дописникот на МИА од Прага.
Како што информираше на Твитер претседателот на чешката Влада Бохуслав Соботка, овој чекор за продолжување на проактивен пристап за запирање на илегалната миграција е преземен на барање на двете земји Македонија и Унгарија.
Претходно министерот за внатрешни работи Милан Хованеци изјави дека полицајците се бараат за заштита на шенгенските граници и подвлече дека партнерите треба да си помагаат.
Од крајот на минатата година, контингенти на чешките полицајци поради миграциската криза во странство беа испратени девет пати. Покрај во Македонија, односно во Гевгелија, присуствуваа во Грција, Словенија и Унгарија.
Во Македонија, каде во моментов е третата група полицајци, двајца чешки полицајци секогаш одат во патрола со своите македонски колеги и го контролираат шенгенскиот простор на грчката граница.
Ново на Сител
-
Обвинителство постапува за расчистување на физичкиот напад врз новинарската екипа на Алсат-М во Визбегово
-
Орбан: Зеленски е комичар кој глуми претседател
-
Вајц до бугарска новинарка: Треба да се информирате и малку да промислите за тоа што го зборувате
-
Тошковски: Ставени под контрола пожарите во Крива Паланка, Орман, Дојран, Николиќ и Волково
-
Пуштена за сообраќај скопската обиколница, сообраќајот кон ГП Блаце само за патнички возила
-
Гори кај касарната во Ѓорче Петров, запалени куќи во Орман и Волково, ангажирани припадници на Армијата
-
Пет пожари активни на подрачјето на Град Скопје
-
Обвинителството постапува во насока за целосно испитување на причините за настанување на пожарот во Визбегово
