Чешка преговара со Германија за купување тенкови, своите ги праќа во Украина
Официјална Прага преговара со Берлин за купување германски тенкови, што ќе и овозможи на Чешка да испрати повеќе тенкови од советската ера во Украина, изјави синоќа министерката за одбрана Јана Чернохова.
Чешка би можела да набави тенкови Леопард од Германија, веројатно не најмодерна варијанта, изјави Чернохова за чешката телевизија.
– Мислам дека сме на вистинскиот, добар пат, рече таа.
Таа додаде дека тие би можеле да бидат „некаде на средина“ помеѓу старите Leopard 1 и поновите Leopard 2 верзии.
Чешка има 30 модернизирани тенкови Т-72 и уште неколку десетици кои не се модернизирани.
Од почетокот на руската инвазија на 24 февруари, Чешка испрати некои од своите немодернизирани тенкови во Украина.
Чесите испратија и тешко оружје во Украина од воени складишта и приватни компании за оружје, вклучувајќи артилерија, борбени возила, противвоздушна опрема и повеќецевни ракетни фрлачи.
Ново на Сител
-
Инспекторите на терен – дали 140 ученици од “Ѓорѓија Пулевски” се затруени со храна?
-
Кривична пријава за поранешниот директор на струмичкиот затвор
-
Законот за нефер трговски практики почнува од утре, поевтинување се очекува за еден месец
-
Пропадна тендерот за пругата кон Бугарија, приоритет ќе биде Коридор 10
-
Приватните превозници ги паркираа автобусите, бараат зголемување на цените за изминат километар
-
Преглед на вестите од светот
-
Средба Мицкоски-Орбан и заедничка владина седница во Охрид
-
УЈП најави строги контроли на претстојните „Денови на кочанскиот ориз“