Чавушоглу: Затворањето на конзулатите на некои западни земји е намерен потег
Турскиот министер за надворешни работи Мевлут Чавушоглу, критикувајќи го неодамнешното затворање на конзулатите на некои западни земји во Истанбул, таквиот потег го нарече „намерен“, додавајќи дека тие земји не споделуваат никакви информации од, како што ги нарекоа, „безбедносни причини“, пренесува Анадолија.
„Мислиме дека ова беше намерно. Токму тоа им го кажавме на амбасадорите што ги поканивме во Министерството“, рече Чавушоглу на прес-конференцијата во Истанбул со неговиот аргентински колега Сантијаго Кафиера.
Забелешките на Чавушоглу следат еден ден откако Турција ги повика амбасадорите на западните земји, вклучително и САД, да ја критикуваат нивната одлука за привремено затворање на дипломатските претставништва и издавање безбедносни предупредувања по неодамнешното палење на исламската света книга Куран во некои европски земји.
Во Министерството за надворешни работи беа поканети и амбасадорите на Белгија, Франција, Германија, Италија, Холандија, Шведска, Швајцарија и Велика Британија.
„Зошто ги затворија конзулатите? Тие велат дека постои терористичка закана. Па, ако има терористичка закана, не треба ли тие, особено ако се наши сојузници, да кажат од каде доаѓа таа закана?“, праша Чавушоглу.
„Ни велат: Имаме конкретни информации, има закана. Затоа затворивме. Од кого? Од каде доаѓа? Кој ќе го направи тоа? Нема информации за тоа“, рече Чавушоглу.
Тој повтори дека тие земји треба да и дадат информации на Турција за тие наводни закани.
„Тие мора да ги споделат тие информации со нас, односно со нашите безбедносни единици, нашите разузнавачки тимови и доколку постои таква закана, таа мора да биде елиминирана пред да се претвори во напад“, додаде Чавушоглу.
Тој посочи дека тие земји сè уште не споделуваат „конкретни“ информации и документи со Турција.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска