Чавушоглу: Турција очекува туристи од Русија
Турскиот министер за надворешни работи Мевлут Чавушоглу изјави дека често разговара со своите колеги од други земји, вклучително и рускиот министер за надворешни работи Сергеј Лавров, за прашањата поврзани со туризмот.
– Остваривме четиристрани разговори со Германија, Франција и Велика Британија. Двапати разговаравме со министерот Лавров. Знаеме дека руските туристи едвај чекаат да дојдат во нашата земја, рече Чавушоглу на гостувањето на ТВ каналот „Дим“.
Туризмот не е важен само за Анталија или за Аланија, туку е важен и за целата земја, рече Чавушоглу.
– Се обидувам да му помогнам на Министерството за култура и туризам. Ќе ја преживееме оваа година со незначителни загуби. После тоа, ќе продолжиме да напредуваме континуирано кон нашите цели, рече министерот.
Во меѓувреме, министерот за култура и туризам Мехмет Нури Ерсој во интервју за ТАСС рече дека очекува 40 отсто помалку руски туристи во Турција оваа година, како директен резултат на пандемијата на коронавирусот.
Ново на Сител
-
Челси по пресврт до титулата во Лигата на Конференциите
-
Рубио: САД ќе почнат да ги поништуваат визите за кинеските студенти
-
Федерален суд во САД ги блокираше царините наметнати од Трамп, тој веќе поднесе жалба на судската одлука
-
Маск потврди дека ја напушта администрацијата на Трамп
-
Трајко Славески е новиот гувернер на Народната банка на Република Северна Македонија
-
Собранието ќе одржи седница за пратенички прашања
-
Во дигиталната судница во Идризово почнува судењето за „Адитив“
-
Променливо облачно со повремени врнежи од дожд