Церар: Вратите на ЕУ да останат отворени за земјите од Западен Балкан

Премиерот на Словенија Миро Церар наведе дека неговата земја се залага вратите на Европската унија да останат отворени за земјите од Западен Балкан. 

- Мораме да се фукусираме на тоа вратите на ЕУ да останат отворени, да остане европската перспектива за државите од Западен Балкан. Бидејќи ние сме во близина на тој регион добро разбираме што се случува таму и предупредуваме за ситуација што е многу нестабилна, порача Церар во Брисел. 

Посебно наведувајќи ја сложеноста на ситуацијата во Македонија, Церар ја повика Унијата да му помогне на регионот онолку колку што може. 

- Словенија се залага европската перспектива на регионот да биде јасно изразена и поддржана со јасни идеи во комуникација со локалните лидери, нагласи премиерот на Словенија.