Центарот на Скопје преплавен со полиција, се запираат и претресуваат возила

Во главниот град се спроведува голема полициска акција на подрачјето на Центар каде се претресуваат сите возила кои поминуваат на потегот меѓу Капиштец и Водно. Се претресуваат сите автомобили целосно, се бараат податоци и информации од возачот на автомобилот како и од сопатниците во автомобилите, се отвораат и разгледуваат багажници.

- На 08.03.2022 во 12.35 часот во Полициска станица Центар било пријавено дека од експозитура на банка на подрачје на Центар три лица со закана со оружје од вработените одземале пари, по што во близина на местото на настанот едно од лицата испукало еден куршум. Повредени лица нема. Се преземаат мерки за расчистување на случајот, претходно информираа од МВР.