Целосно се реконструира колекторскиот систем во Дојран
Главниот колекторски систем во Дојран почна целосно да се реконструира заради заштита на Дојранското езеро и подобрување на квалитетот на езерската вода. Проектот опфаќа вградување на нови пумпни станици и обнова на шахтите заради зголемување на капацитетот за одведување отпадни води до пречистителната станица во која е вградена најсовремена технологија.
- Заштитата на животната средина претставува еден од најголемите приоритети на општина Дојран. Почнавме минатата година со реконструкцијата на пречитителната станица која беше обновена по три децении, а ова ќе биде втора фаза во која главниот колекторски систем ќе се реконструира за да се создаде можност за проширување на секундарната канализациона мрежа,одноно одведување на колекторскиот систем на улиците или до куќите кои не се приклучени, рече градоначалникот на општина Дојран, Борче Стамов.
Реконструкцијата на главниот колекторски систем во Дојран е заеднички проект на општината и Министерството за животна средина. Активностите планирано е да траат околу два месеца, а целата инвестиција чини 4 милиони денари од кои по половина обезбедуваат локалната самоуправа и Министерството за животна средина.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски