Целосно осветлен тунелот пред Велес
Извршено е целосно осветлување на тунелот пред Велес. Осветлувањето е направено со лед светилки со што значително ќе се зголеми прегледноста на возачите а со тоа и безбедноста во сообраќајот, соопшти денеска Министерството за транспорт и врски.
Се планира, информираат, да се изврши осветлување и пред и после тунелот.
Според Министерството за транспорт, во санација на тунели и клучки се планира да бидат вложени 670 илјади евра.
Претходно, потсетува ресорното Министерство, беше осветлен тунелот кај Катланово на автопатската делница Скопје-Велес. - Наскоро ќе се започне со работа и на третиот тунел на потегот Велес-Катланово и очекуваме до октомври оваа година да го завршиме комплетно осветлувањето, информираат од Министерството за транспорт и додаваат дека во исто време планираат да се осветли и клучката Велес – Север и крстосниците Прилеп - Плетвар и таа кај Крушево. Вкупната инвестиција за тој проект е 17, 6 милиони денари.
Минатиот месец, како што наведуваат, е започната санација и поставување сигнализација на тунелите на државните патишта. Преку тој проект ќе се санираат седум тунели: тунел Блаце, тунел на патот Градско-Прилеп, тунел на патот Битола-Прилеп, тунел на автопатот Велес-Катланово, и трите тунели на автопатот Катланово-Велес. Вкупната вредност на овој проект е 23,4 милиони денари и се очекува до крај на годинава да бидат завршени целосно. Генерално ќе вложиме околу 670 илјади евра само во санација и осветлување на овие тунели и клучки, се вели во соопштението од Министерството за транспорт и врски.
Ново на Сител
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари