Бури со град го погодија истокот на Австралија, пожарите и натаму беснеат
Силна бура проследена со град денеска погодија делови од Австралија, вклучувајќи и многу делови погодени со пожари, додека пожарите и натаму се шират во источните и јужните делови од континентот погодени со суша.
Австралискиот метеоролошки завод издаде предупредување за „силни бури“ проследени со бурни ветрови и силни дождови во голем дел од Нов Јужен Велс, јужен Квинсленед и многу подрачја на државата Викторија. Постои, исто така, ризик од поплави, се наведува во предупредувањето од Заводот.
Австралиската престолнина Канбера, исто така, денеска се најде на удар на силните ветрови и громови проследени со поголеми парчиња мраз, што за само 15 попладневни минути (по локално време) „протатнеа“ низ градот.
Дождот од минатата недела врне во три сојузни држави опустошени од пожарите, донесувајќи извесно олеснување за преморените пожарникари кои од септември се борат со пожарите во Австралија.
Во Квинсленд во текот на викендот многу патишта беа затворени заради поплави.
Во меѓувреме, властите продолжуваат да издаваат предупредувања за пожарите што беснеат во многу делови од источна Австралија.
Во Нов Јужен Велс и натаму има 68 активни пожари, додека 27 во државата Викторија.
Во австралиската катаклизма од септември до сега погинаа 29 лица, а изгорени се повеќе од 12 милиони хектари земја.
Ново на Сител
-
Иран призна голема штета на нуклеарните постројки
-
Хамас: Над 70 загинати од израелски напади во Газа за едно деноноќие
-
Нестабилност проследена со пороен дожд, засилен ветер, грмежи и наместа град попладнево зафати повеќе делови од земјава
-
Аплицирала за работа од дома, добила брз кредит на свое име – уапсени двајца измамници
-
Судот го одби барањето на Нетанјаху за двонеделна пауза во судењето
-
Еурофарм Пелистер денеска ги дознава противниците во Лигата на шампиони
-
Легендарната „10-ка“ во Барселона ќе ја носи Јамал
-
Ериксен: Докажав дека сум фудбалер, а не човек кој преживеал срцев удар