Свет
1. September 2016 - 15:44

Бундесверот ќе обучува бегалци за градежни професии

Германската армија ќе обучува сириски бегалци за градежни професии со цел да им помогне да ја обноват државата по војната, јави ДПА.

Официјален почеток на проектот беше денеска во Берлин во присуство на министерката Урсула фон дер Лајен. Бегалците ќе се обучуваат за инженери и конструкциски работи.

Курсевите ќе траат шест месеци во Берлин и во провинциите Долна Саксонија и Баварија. Пилот проектот првично беше за 120 бегалци, но засега потенцијални кандидати се само 45.