Бугарскиот премиер Донев ќе одржи состанок на владиниот Совет за безбедност
Вршителот на должноста премиер на Бугарија, Галаб Донев денеска ќе одржи состанок на владиниот совет за безбедност, јави дописникот на МИА од Софија.
Повод за средбата е зголемената ескалација на воениот конфликт меѓу Русија и Украина по најавената делумна воена мобилизација од страна на рускиот претседател Владимир Путин, како и референдумот одржан во неколку украински региони.
Донев најави дека постои ризик за националната безбедност на Бугарија, но во овој момент нема директна воена закана.
Советот за безбедност има за цел да ја анализира состојбата на системот за заштита на националната безбедност, да подготви процени и да ги предложи потребните решенија. Со него претседава премиерот на земјата и вклучува претставници на безбедносните служби. Минатата недела претседателот на Бугарија, Румен Радев, одржа консултативен состанок на тема Украина, на кој учествуваше премиерот Донев и на кој се разговараше за ризиците со кои се соочува земјата и системите кои би можеле да бидат погодени од ескалација на руската инвазија врз Украина.
Ново на Сител
-
Тема на денот со Зоран Јовановски, потпретседател на Стопанска Комора
-
И одбојкарките на Работнички Скопје ја одбранија титулата во Купот
-
Одбојкарите на Струмица Никоб старо-новите освојувачи на Купот на Македонија.
-
Се чека обдукцијата и се вршат распити за смртта на малата Јана
-
Битолчанецот кој испи корозивно средство е во стабилна состојба, но постојат ризици
-
Истрагата за тунелот во Идризово траела два месеци, Спасовски најавува одговорност
-
Самоил се уште е исчезнат, семејството бара помош, полицијата работи
-
Ахмети, Груби и огнените на иста маса во Мала Речица