Бугарски земјоделци во посета на органски фарми во Североисточна Македонија
Македонски фармери викендов ќе бидат домаќини на своите колеги од Република Бугарија, по успешната посета на сертифицирани фарми за органско производство во Ќустендилската област.
Десет земјоделци од Североисточниот плански регион (СИРП) на Република Македонија, имаа можност директно да ги проследат начинот на призводство на органска храна во фарми од соседството со повеќегодишно искуство во дејноста.
Претстојниот викенд десет земјоделци од Ќустендилката област ќе посетат сертифицирани фарми и фарми во премин кон сертифицирано органско производство од Североисточнито плански регион од Крива Паланка, Куманово и Кратово, изјави Андриана Ивановска-Давитковска, проект-менаџер од „ЕГРИ“, Крива Паланка.
Посетата е дел од проектот „Произведувај органски-пакувај еколошки“ кој го имплементира здружението граѓански центар за одржлив развој „ЕГРИ“ од Крива Паланка заедно со здружението „НИЕ“ од Ќустендил, Бугарија, со средства од ИПА Програмата на Европската унија за прекугранична
соработка помеѓу Бугарија и Македонија.
По завршување на возвратната посета насловена „Еден ден од животот на органскиот фармер“, ќе следува нова серија обуки за фармерите до двете страни на границата.
- Во септември и октомври ќе се реализираат две тридневни обуки, по една во Макеоднија и Бугарија, на кои земјоделците ќе се запознаат со условите на пазарот, пласманот на нивните производи, подобрување на конкурентноста на производите и можностите за здружување и окрупнување на понудата заедно со колегите од другата страна на границата, додаде Ивановска-Давитковска.
Новата генерација органски фармери ќе добијат насоки за креирање сопствени бизнис планови за понатамошен развој на нивните фарми.
Ново на Сител
-
Би-Би-Си: Се очекува Сунак со следните неколку часа и формално да поднесе оставка пред кралот Чарлс
-
Мицкоски најави нова инвестиција со која ќе бидат вработени над 110 граѓани
-
Пронајдени стари неексплодирани убојни средства гевгелиско, во близина на границата со Грција
-
Најсвежо утро во Лазарополе, најтопло во Дојран и во Гевгелија
-
Девет пожари на отворено изминатите 24 часа
-
Собранието ќе ја одржи 9. седница
-
Министерот Муцунски на НАТО работен појадок
-
Бајден повтори дека нема намера да се повлече од претседателската трка