Бугарите и Романците ќе патуваат без визи за Канада
Европската комисија денеска го поздрави укинувањето на визи за Канада за државјаните на Бугарија и Романија.
- Ова достигнување се должи на големите дипломатски напори и на ангажманите, направени на политичко и техничко ниво од страна на ЕУ, Канада, Бугарија и Романија, посочува Комисијата.
Во соопштението на ЕК по тој повод е цитирана еврокомесарката за дигитализација, Марија Габриел, која ја оцени елиминацијата на канадските визи како јасен сигнал за Бугарите и Романците, како и за светот дека Европа е обединета и решена да нема „втора класа" граѓани.
Еврокомесарот за миграции и внатрешни работи, Димитрис Аврамопулос, рече дека утре за Бугарите и Романците ќе биде „голем ден".
Според него, укинувањето на визите покажува дека дипломатските напори и трпеливата работа вродија со плод. Аврамопулос додаде дека постигнувањето целосен визен реципроцитет за сите граѓани на ЕУ е водечка задача.
За да се постигне т.н. визниот реципроцитет, неопходно е сите земји чии граѓани патуваат во ЕУ без виза да не бараат визи за Европејците кои ги посетуваат. Засега, САД бараат визи за граѓаните на Бугарија, Хрватска, Кипар, Полска и Романија.
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр