Брнабиќ: Новата српска Влада нема да воведува санкции против Русија
Новиот српски премиер Ана Брнабиќ во интервју за руските медиуми изјави дека нејзината Влада нема да воведува санкции против Русија и дека во својот натамошен развој Србија ќе се потпира на руските знаења и дека наскоро очекува решение за српско-рускиот хуманитарен центар во Ниш.
-Јасно кажав дека тоа ќе биде влада на континуитет и нема да вовдуваме санкции против Русија. Ќе се обидеме да водиме избалансирана надворешна политика. ЕУ беше и останува наш стратегиски приоритет заради самите нас. Ние треба да се промениме во согласност со европските вредности, да учиме од ЕУ за финансиската, фискалната, трудовата дисциплина и етика, затоа што тоа е важно за сите граѓани на Србија. Во овој момент санкции против Русија не се во интерес за Србија, рече Брнабиќ.
Таа посочи дека одлуката за прашањето за статусот на српско-рускиот хуманитарен центар во Ниш е на списокот на приоритети, но оцени дека ова прашање е премногу исполитизирано и за него треба да се размисли прагматично.
Брнабиќ изрази желба за соработка со Русија во сферата на технологиите, најмногу подвлекувајќи ги нанотехнологиите, во кои, според неа, оваа земја е велесила.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд