Брисел ги забранува старите автомобили кои го загадуваат воздухот

Бриселските власти одлучија од 2018 година да забранат регистрација на автомобили кои прекумерно го загадуваат воздухот.

Со мерката ќе бидат опфатени превозните средства со стандардот Евро-1, произведени на почетокот на 90-тите години од минатиот век, што е околу 11 проценти од возилата во градот. Причина за одлуката е што 600 луѓе годишно во Брисел умираат од болести на дишните патишта, предизвикани од загадувањето на воздухот.

Забраната нема да се однесува на колекционерските автомобили, произведени пред повеќе од 20 години, кои се малку на број и според закон ограничено се возат.