Бразил им „објави војна“ на комарците и вирусот зика
Бразилскиот претседател Дилма Русеф им објави војна на комарците кои го шират вирусот зика.
Во снимено обраќање до нацијата, претседателката Русеф соопшти дека сабота е прогласена за ден за мобилизација, во кој ќе се вклучат илјадници припадници на бразилската армија и вработените во државните служби.
Сите тие ќе работат на истребувањето на опасните инсекти од домовите и од службените простории и државните канцеларии.
Според Русеф, најголемиот број од комарците се во, или сосема блиску до домовите и живеалиштата на луѓето.
Вирусот зика се поврзува со раѓањето бебиња со ненормално мали глави, сите родени од мајки кои додека биле бремени, биле заразени од овој вирус.
Зика забрзано се шири низ Бразил, каде и прв пат се појави во мај минатата година,но и низ земјите од Латинска Америка и Карибите.
Светската здравствена организација (СЗО) прогласи глобална тревога, откако вирусот е откриен во 14 земји од американскиот континент, а случаи на Зика се регистрирани и во делови од САД, како и во неколку земји од Европа.
Русеф побара од Бразилците сите да учествуваат во битката против комарците „Aedes Aegypti“ koи се пренесувачи на вирусот.
- Станува збор за битка која не смее да се загуби, рече претседателката Русеф, објаснувајќи дека додека не се открие вакцина против Зика, единствена метода со која располага Бразил е жестоката борба против комарците.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени