Борисов: Европската перспектива на Западен Балкан е приоритет за Бугарија
Евроатлантската перспектива на земјите од Западен Балкан и приоритетите на бугарското претседателство со Советот на ЕУ беа главните теми за време на состанокот помеѓу премиерот Бојко Борисов и швајцарската претседателка Дорис Лојтхард, соопшти прес-службата на кабинетот.
Бугарскиот премиер Борисов ја определил темата за европската перспектива на земјите од Западен Балкан како клучен приоритет во програмата на бугарското претседателство.
- Дебатата за иднината на Европа е поврзана со дебатата за европската интеграција на овие држави, нивното вклучување, стабилност, просперитет и почитување на вредностите на Заедницата. Затоа во календарот на бугарското претседателство е предвидена Самит меѓу ЕУ и земјите од Западен Балкан во мај 2018, истакна Борисов.
Според него швајцарските проекти во земјите од регионот можат да бидат многу корисни за економскиот развој и социјалната кохезија со земјите-членки и со земјите од Европската економска област.
Лојтхард изрази очекување дека Бугарија ќе биде отворен ротационен претседавач на Советот. Во разговорот биле разгледани и теми поврзани со иднината на обединета Европа, вклучувајќи проблемите предизвикани од миграциската криза и повлекувањето на Велика Британија од ЕУ.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга