Борисов: Бугарија ќе има колективен имунитет во мај
Премиерот Бојко Борисов преку видео на Фејсбук објави дека во петокот Бугарија повторно се договорила и во април, мај и до средината на јуни ќе добие 2.700.000 вакцини од Фајзер/Бионтех.
„Мислевме дека во август, но убеден сум дека во мај – со повеќе од 3 милиони вакцинирани и опоравени, ќе имаме колективен имунитет за да се стави крај на оваа пандемија“, нагласува Борисов.
Како што јави дописникот на МИА од Софија, она што го загрижува Борисов е тоа што Бугарија има 2 милиони дози „Џонсон и Џонсон“, бидејќи пред да стапи во употреба, луѓето почнаа да зборуваат негативно за тоа. Според бугарскиот премиер, трговската војна во моментов трае со страшна сила, а цените веќе се зголемија. Борисов даде пример како Фајзер чинел 12 евра, а сега цената е 15,5 евра.
„Сега ЕУ потпишува договори за 2022-23 година за 900 милиони вакцини, но сега по цена од 19,5 евра“.
Новите случаи на заразени со коронавирусот во изминатите 24 часа во Бугарија се 1.352. Тие беа идентификувани по 9.118 тестови. Дека податоците во Бугарскиот унифициран портал за информации покажува дека 14,83 проценти од примероците се позитивни, а бројот на хоспитализирани е зголемен од 10.271 на 10.365 за 24 часа.
Ново на Сител
-
Средба Мицкоски-Таравари за иднината на Алијанса во Владата
-
Партиите забрзано се подготвуваат за изборите
-
Сиљановска-Давкова: Изјавата на Ахмети е притисок врз судската власт
-
Четворица повредени од пожарот во Кочани кои беа на лекување во Турција цела вечер останале на аеродромот во Истанбул
-
СЗДСМ – Сите лица со дијабет тип 1 да имаат инсулински пумпи!
-
Претседателката: Обиди за бришење на македонскиот јазик во различни форми
-
Ребаланс – па локални избори! Мицкоски најави 3 инвестиции во Штип и над 1.000 вработувања
-
Цените почнаа да растат – дел од маркетите со нови ценовници