Борел: Западниот Балкан ќе остане приоритет за ЕУ
На прес конференцијата по министерскиот состанок за надворешни работи на ЕУ, високиот претставник Жосеп Борел ги увери земјите од регионот дека тие остануваат приоритет за Унијата.
Иако регионот од минатата година не е веќе на агендата на министрите, ниту ЕУ испорачала вакцини на западен Балкан до сега, Борел им упати на лидерите од регионот уверување дека земјите се важни за ЕУ и дека тоа било потврдено на денешниот министерски состанок во Брисел.
-Разговаравме за неодамнешната посета на Мирослав Лајчак во регионот и ќе имаме целосна дискусија за западен Балкан на наредниот Совет за надворешни работи. Западниот Балкан е и ќе продолжи да биде приоритет за ЕУ, изјави Борел, но без повеќе детали.
На прес конференцијата балканските новинари не добија можност за прашање денес, меѓу другото за реакција од шефот на ЕУ дипломатијата за писмото на деветте земји кои побараа враќање на регионот на дневниот ред на ЕУ.
МИА неодамна објави реакција од портпаролските служби на Борел во која се вели дека високиот претставник го дели ставот на овие земји и дека се согласува дека треба регионот повторно да биде тема на разговор, откако во декември беа блокирани заклучоците за цел западен Балкан поради инсистирањето на Бугарија во заклучоците да се вметне параграф за погрешно интерпретирање на историјата.
Министрите на ЕУ денеска разговарале за новите санкции воведени против низа лица и ентитети ширум светот, од Кина до Еритреа, за нарушување на човековите права, во рамките на новиот механизам за санкции на ЕУ.
Станало збор и за Русија и случајот на Алексеј Навални, како и за Турција.
За Турција меѓутоа ќе се чека на претстојниот самит на лидерите на ЕУ в четврток и петок за конечни заклучоци, околу ситуацијата во источниот Медитеран, Кипар и повлекувањето на Турција од Истанбулската конвенција против родово насилство, чин кој Борел го осуди вчера преку соопштение.
Ново на Сител
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица
-
21-годишна албанка излетала од патот со автомобил близу Битола, тешко повредени сопатниците
-
Кипар под црвен метео аларм: Температури до 45 степени, забрана за работа на отворено
-
Тешко повреден параглајдерист во Крушево се пренесува со полициски хеликоптер во Скопје
-
Кривична против 14-годишник од Куманово, извршил шест тешки кражби во приватни имоти
-
Жена од Гостивар физички го нападнала своето 4-годишно дете
-
Дмитриев: За постигнување мир во светот мораме да ги исправие грешките на Бајден