Бојко Борисов: Не сум дал наредба за прислушување
Поранешниот бугарски премиер, Бојко Борисов изјави дека не дал наредба да се прислушкуваат политичарите во земјата, оценувајќи дека тоа според него би било многу погрешно и никогаш не размислувал за тоа.
Како што јави дописникот на МИА од Софија, Борисов смета дека не е формирана редовна влада во Бугарија со цел да се исполнат „валканите наредби“ на Бугарската социјалистичка партија и придружбата на претседателот Румен Радев.
Лидерот на ГЕРБ се приклучи во живо на Фејсбук од средба со претставници на неговата партија.
Информацијата за прислушувањето на 32 опозициски политичари дојде од подпретседателот на „Демократска Бугарија“ Атанас Атанасов, а вршителот на должност министер за внатрешни работи Бојко Рашков потврди дека Државната агенција за национална безбедност извршила такво прислушување и ги избришала доказите.
Лидерот на бугарските социјалисти Корнелија Нинова повика на откривање на сите факти за прислушувањето. Бојко Борисов истакна дека ГЕРБ е „исклучително загрижен“ за одржувањето на предвремените парламентарни избори во Бугарија на 11 јули.
Ново на Сител
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница
-
Поевтинуваат горивата ова се новите цени
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор