-->
-->
Богојавление го одбележаа и Македонците во Албанија
-->
![](/sites/default/files/styles/large/public/article/teaser-images/2020/january/vrheerharthrt-247708.jpg?itok=U1qdRwLI)
Православниот празник Богојавлние-Водици беше одбележан насекаде низ Албанија каде што живеат православните Македонци – Мала Преспа, Голо Брдо, Врбник и во поголемите градови низ Албанија.
Во Мала Преспа традиционално сите села фрлаат крст во Преспанското езеро.
Со Македонците во Горна Горица, едно од деветте села во областа, беше Васил Стерјовски, лидер на македонската партија Македонска алијанса за европска интеграција (МАЕИ) и пратеник во албанскиот парламент од оваа партија.
Тој присуствуваше и на свечената литургија во црквата „Свети Димитрија“ со која чиноначалствуваше отец Алексо Темелко, кој светиот крст го положи во осветените езерски води, а најсреќен беше Антонио Никола.
![](/sites/default/files/styles/large/public/article/images/2020/january/erhsrthtrhtdz.jpg?itok=mycXrM3x)
– Бог се јави. За многу години. Многу сум радосен. Нека Бог донесе среќа, радост, здравје, напредок, рече Антонио.
– Му честитам на младиот Антонио, нека и него и сите Македонци каде и да се ги следи среќа, радост, успеси и благосотојба, посака Стерјовски.
Македонците во Мала Преспа традиционално се собираат во селските цркви, и после литургијата, а според обичаите, со крстот украсен со босилок се упатуваат кон брегот на Преспанско езеро каде се фрла крстот. Обичај е оној кој ќе го фати крстот, во придружба на група, да ги посетува домаќинствата во населеното место каде се даруваат со пари.
Во областа Голо Брдо крстот украсен со босилок, порано, кога православните биле во голем број се фрлал во реките, но сега тоа се прави симболично во поголем сад со вода, продолжувајќи ги на тој начин традицијата и обичаите.
-->
-->
-->
Ново на Сител
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО
-
Хрватска повлекува морска сол од пазарот поради присуството на пластика
-
УХМР со предупредуваање: Следува период на многу топло време
-
Автобус на ЈCП се качи на заштитна ограда пред Мавровка | ФОТО