Боаш во Шангај за плата од 12 милиони годишно

Португалскиот тренер Андре Вилас-Боаш, кој беше во комбинација за нов тренер на Интер, кариерата ќе ја продолжи во Кина, откако од Далечниот исток добил понуда која не се одбива.

 

Андре Вилаш-Боаш кариерата ќе ја продолжи во Шангај СИПГ, каде годишно ќе заработува 12 милиони евра. Португалецот ќе биде третиот најплатен тренер во светот, пред него само се неговиот сонардоник Жозе Мурињо кој во Манчестер Јунајтед годишно заработува 15 милиони евра и Пеп Гвардиола, чии услуги Манчестер Сити го чинат на годишно ниво 21,5 милиони евра.

 

Вилас-Боаш во кариерата бил тренер на Академика, Порто, Челзи, Тотенхем и Зенит, каде во мај годинава доби отказ. Бил шампион на Португалија и Русија и освојувач на Лига Европа.