Бислимоски за БЕГ: Со сила убавина не бидува, имаме џентлментски договор
РКЕ пред скоро еден месец веќе започна постапка за одземање на лиценцата на БЕГ производство и тврдам дека нема никаква поврзаност во однос на поднесените барања за определување за цената за топлинска енергија, изјави вечерва во Тема на денот на Сител претседателот на РКЕ Марко Бислимоски.
За ситуацијата со БЕГ Бислимоски накратко нагласи дека со сила убавина не бидува.
-Сите можат да се сетат како беше во зимските месеци, имаше одредени проблеми кои се надминаа со помош на Владата за да се ублажи цената за топлинска енергија. Ние во изминатиов период бевме во комуникација со трите компании на БЕГ и поради веќе почнатата постапка за одземање на лиценца за БЕГ производство, веќе и од БЕГ се свесни дека имаат сериозни проблеми во однос на обезбедувањето на природниот гас. Од тие причини РКЕ во тековниот период ќе донесе одлуки со кои ќе се одземат трите лиценци на БЕГ производство, БЕГ дистрибуција и БЕГ снабдување и притоа се разбравме со компаниите џентлментски дека ние одредени постапки ќе прекинеме а тие ќе поднесат барање за престанок на нивните лиценци со една цел да нема ниедна оштетена страна. Треба да бидеме целосно подготвени за следната грејна сезона, потенцираше Бислимоски.
На прашање дали од БЕГ прекршиле некаков закон Бислимоски одговори дека во рамките на џентлментскиот договор со БЕГ сите проблеми кои што можеле да настанат се разрешени спогодбено.
Тој додаде дека отпосле Владата мора да распише тендер на кој што ќе се избере нов вршител на дејноста производство на топлинска енергија.
Ново на Сител
-
Земјотрес со епицентар во подрачјето на Скопје
-
Оваа недела се очекуваат ефектите од владината одлука за ограничување на профитната маржа
-
Седници на две собраниски комисии
-
Во Њујорк прва средба Муцунски - Герапетритис
-
Претседателката на Собранието на Албанија во посета на Северна Македонија
-
Израелската армија соопшти дека спроведува „опсежни“ напади врз цели на Хезболах во Либан
-
Состојба на патиштата
-
Топло со ниски утрински температури, утре и задутре дожд