Бингман: Плановите на Трамп за давачки за увоз на метал се неразумни

Европа мора да се спротивстави на искушението и да не прибегне кон тактиката на „мило за драго“ во трговскиот спор со САД, порача Холгер Бингман, шеф на германската трговска асоцијација БГА, по повод заканата од американскиот претседател Доналд Трамп дека ќе воведе високи давачки за увоз на метали и автомобили во таа земја.

- Наместо да размислуваме за одмазда, треба да го искористиме времето и да ја убедиме американската администрација дека плановите на претседателот на САД се неразумни и ќе предизвикаат огромна штета на двете страни на Атлантикот, наведе Бингман во денешното соопштение.