БиХ: Жена со Ковид-19 загина во пожар во ковид-центар

Пожар избувна утрово на одделот на Клиниката за белодробни заболувања на Универзитетскиот клинички центар Тузла, во кој загина една жена.

Министерството за внатрешни работи доби извештај дека има пожар во болницата во Славиновиќ, во кој загина едно лице, потврди Амра Капиџиќ, портпарол на Полицискиот директорат на Министерството за внатрешни работи на Тузланскиот кантон.

Интервенираше професионалната противпожарна единица Тузла.

„Дежурниот обвинител беше информиран за настанот и се формира истражен тим“, рече Капиџиќ.