БиХ ни во март нема да добие вакцини од Ковакс
Босна и Херцеговина ниту во март нема да добие вакцини преку заедничкиот механизам Ковакс, според документ што го примило Министерството за цивилни работи на БиХ од Канцеларијата на Ковакс.
Како што дознава порталот кликс.ба, во писмото се наведува дека на 29 јануари на БиХ и било јавено дека ќе добие 23.400 дози вакцини Фајзер, под услов да ги исполни наведените услови, а тие, како што велат од Ковакс, не се исполнети.
Конкретно, се наведува дека според длабинската анализа на Фајзер за секоја земја, БиХ не ги завршила своите обврски.
Ова првенствено се однесува на барањата на „ултра ладниот ланец“ за чување на вакцините, но и на обврските што се од правен и административен домен.
– По неколку разговори со Фајзер во последните три недели, со жалење ве известуваме дека испораката на овие дози, кои беа наменети да бидат доставени во првиот квартал од оваа година, ќе се одложи сè додека не се исполнат дополнителните барања на Фајзер од длабинската анализа, кои одат многу подалеку од проценките за подготвеност извршени од Регионалниот комитет за проценка, се вели во писмото.
За да го забрза решавањето на проблемот, Ковакс и нуди на БиХ да организира разговори со претставници на Фајзер.
Како што дознава порталот, Фајзер бара од Босна и Херцеговина да потпише договор за надомест на штета и одговорности, доколку сметаат дека постојат законски или финансиски ризици во врска со можниот надомест што може да се појави.
Во такви околности, Фајзер бара директен договор со државата, кој очигледно сè уште не е завршен.
Од друга страна, Министерството за цивилни работи претходно соопшти дека ги исполнило сите обврски.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп