Без инциденти заврши првата Парада на гордоста во Сараево
Во Сараево денеска, без никакви инциденти, заврши првата Парада на гордоста, на која присуствуваа над илјада луѓе.
Членот на Организацискиот комитет на првата Парада на гордоста во БиХ Бранко Ќулибрк изјави дека не постои институционална поддршка за правата на ЛГБТИ- лицата.
– Сè уште немаме закон за истополовно партнерство. На транс-луѓето не им е одобрен пристап до здравствена заштита. Овоа парада треба да послужи како пример за заштита на правата на ЛГБТИ лицата од страна на институциите и се надеваме дека тие нема да останат на ова денеска, рече Кулибрк во обраќањето пред учесниците на поворката. Според него, правото на слобода на изразување е едно од човековите права кое на ЛГБТИ-лицата им е ускратено.
Членката на Организациониот комитет Лејла Хуремовиќ, истакна дека денешната Парада на гордоста „нема да го промени светот и дека има многумина кои дури и денес нема да можат да им кажат на своите најблиски кои се тие навистина“, додавајќи дека таквата парада им дава и на луѓето сила дека можни се промени.
– Гордост. Драги луѓе, многу благодарам што сте тука со нас денеска, повеќе од кога било досега, ние, лезбијките, геј, бисексуалците, транс, интерсексуалци не сме веќе невидливи, рече Хуремовиќ.
На првата Парада на гордоста во БиХ присуствуваа повеќе од илјада луѓе, вклучително и американскиот, британскиот и германскиот амбасадор.
Собирот го обезбедуваа повеќе од илјада полицајци, кои целосно го блокираа центарот на градот, односно трасата по која се движеше поворката.
Ново на Сител
-
Српскиот премиер го осуди насилството и повика на дијалог
-
Уапсен 34-годишен Македонец, откако учествувал во страшна сообраќајна несреќа во Грција
-
Лавров: Западот никогаш нема да може да ѝ нанесе стратешки пораз на Русија
-
Посебен режим на сообраќај утре и задутре во Скопје поради одржување на средба на лидерите од Западен Балкан
-
Приведен 69-годишен возач од Делчево, управувал возило со 2,41 промили алкохол во крвта
-
Сиљановска-Давкова ќе учествува на 4. Меѓународна конференција за финансирање на развојот во Севиља
-
Илјадници Бугари протестираа против воведувањето на еврото во земјата
-
Десетици приведени, повредени полицајци и граѓани по протестите во Белград