Без договор завршија и последните преговори меѓу Северна и Јужна Кореја
Без никаков конкретен резултат минаа и последните преговори меѓу Јужна и Северна Кореја, што се одржаа на 11 и 12 декември во Кесон, се наведува во денешното соопштение на Корејската централна телеграфска агенција (КЦТА), пренесено од ТАСС.
Ако се суди според соопштението, севернокорејската страна на преговорите излегла „со конструктивен предлог во најкратки рокови да се надминат проблемите со обновувањето на туристичките патувања на Јужнокорејците до зоната за одмор Камгансан, собирањето на семејствата кои се разделени уште од Корејската војна 1950-1953 година, како и да се активира невладината размена во различни области.
Но, подвлекува КЦТА, „јужнокорејската страна одби да ги разгледува клучните проблеми, вклучувајќи го и обновувањето на туристичките патувања во Камгансан и на овој начин преговорите ги однесе во ќорсокак“.
Дописникот на ТАСС од Сеул јави дека по завршувањето на разговорите не била дадена заедничка изјава и не бил утврден ниту нов датум за консултации.
На средбата учествуваа јужнокорејскиот заменик министер за прашањата на националното обединување Хуан Бу-ги и заменик директорот на секретаријатот на Комитетот за мирно обединување на Северна Кореја, Чон Џон-су.
Хуан изјави дека на преговорите јужнокорејската страна се обидела да постигне спогодба за проблемот со разделените семејства од Корејската војна. Но, Северот ова прашање го условил со неопходноста од рестарт на заедничкиот туристички проект во планините Камгансан. Хуан посочи дека условувањето на двете прашање е неприфатливо, како и дека Сеул предложил одделни консултации за обновување на патувањата на Јужнокорејците во Камгансан.
Ново на Сител
-
Кривична против седум лица за „несовесно работење во службата“ - Предизвикале штета на државниот буџет во износ од 32,000 евра
-
Кривична пријава против 50 годишен скопјанец - Нападнал полицаец во амбулантното одделение во затворот Идризово
-
Малолетници нападнале соученик и се обиделе со тврд предмет да го силуваат
-
Претрес во Охрид, пронајдена дрога, приведен дилер
-
ЕСМ Снабдување со топлина со апел до потрошувачите за навремена подготовка за непречена испорака на топлинска енергија
-
Останува ист коефициентот за утврдување на плата на именуваните и избрани функционери
-
Судот на правдата на ЕУ ја отфрли жалбата на „Гугл“ на казната од 2,4 милијарди евра
-
МВР: Првичните сознанија од обдукцијата упатуваат на труење како веројатна причина за смрта на мајката и детето во тетовско Слатино