Бесими: Ќе нема финансиска пречка за локалните избори
За локалните избори ќе нема финансиска пречка, а во Буџетот има средства за која било фаза во процесот како што е предвидено во Законот, изјави министерот за финансии Фатмир Бесими, одговарајќи на новинарско прашање за барањето од Државната изборна комисија за дополнителни средства за набавка на терминали за отпечатоци од прст за локалните избори.
Министерот Бесими денеска изјави дека одговорил на писмото од ДИК дека, како што рече, можат да ги спроведат сите постапки, доколку ценат дека можат да стасаат во временскиот рок и дека тоа е изводливо согласно со протоколите да се реализира во текот на оваа година.
– Во однос на прашањето дали се обезбедени средства за Државната изборна комисија јас одговорив на нивното писмо дека можат да ги спроведат сите постапки, доколку ценат дека можат да стигнат во временскиот рок, а исто така доколку сметаат дека согласно со протоколите тоа е изводливо да го реализираат во текот на оваа година. Значи, средства во Буџетот ќе се обезбедат за реализација на целиот проект, односно локалните избори нема да имаат финансиска пречка. Има средства во Буџетот за која било фаза во процесот како што е предвидено во Законот, рече Бесими.
Ново на Сител
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница
-
Средба на министерот Муцунски со амбасадорот на Обединетото Кралство, Лосон
-
Позиција на МНР за Заедничката изјава од Литванија во Советот за човекови права на Обединетите нации
-
Филипче на прва координација со пратеничката група на СДСМ
-
Кавадарчанец силувал 26-годишна девојка
-
Вучиќ: Зголемени дејствија на авиони и беспилотни летала со извидувачки намери кон Србија
-
Се тепале татко и син во Куманово, употребен е и нож