Берлин: Изборите во Британија нема да ги одложат преговорите за Брегзит
Планираните предвремени парламентарни избори во Велика Британија, за кои се заложи премиерката Тереза Меј, нема да ги одложат преговорите за повлекување на таа земја од Европската унија, изјавија денеска претставници на Владата на германската канцеларка Ангела Меркел.
- Германската Влада не очекува дека изборите ќе влијаат врз процесот на преговарање со Велика Британија по прашањето за напуштање на ЕУ, изјави портпаролката на германската Влада, Урлике Демер.
Таа додаде, не изнесувајќи детали, дека Меркел и Меј вчера разговарале по телефон.
Меј оцени дека со одржување на вонредните парламентарни избори на 8 јуни оваа година, наместо во 2020 година, би се избегнала ситуацијата во која земјата истовремено би се соочила со избори и клучни делови од преговорите.
Ново на Сител
-
Почнува судењето против Васил Јованов кој пред 4 месеци смртно ја прегази Фросина на Партизанска
-
Уапсен убиецот кој пукаше во штипското кафуле и неговите помагачи во бегството, сите се турски државјани
-
СДСМ обвинува дека убиствата станаа секојдневние, Тошковски нема контрола над безбедноста
-
Москва одбележува 80-години од победата над фашизмот
-
9 мај - Ден на победа над фашизмот
-
Почна најмасовна волонтерска акција за чистење на отпадот - Генералка викенд
-
Младите се помалку се обучуваат за спасители на вода
-
Преглед на вестите од светот