Белградската рокенрол група „Hypnotized“ го промовираше новиот сингл „Марта“
Белградскиот рокенрол состав „Хипнотајзед“ го претстави видео спотот за песната „Марта“, вториот сингл од новиот албум, кој ќе биде објавен во текот на оваа година.
Спотот, кој ги руши сите продукциски клишеа во балканскиот регион и носи вистински рокенрол звук, премиерно беше прикажан во преполната галерија на „Штаб“ во Белград, додека пошироката публика премиерно го гледаше спотот на Ем-Ти-Ви.
Составот „Хипнотајзед” за кратко време привлече големо внимание на јавноста и љубителите на вистинскиот рок звук. Значајниот успех го постигнаа со донесување на светски стандарди за аудио и видео продукција на нашите простори.
Видео спотот за песната „Марта“ го потпишуваат контроверзниот американски режисер Марк Нава и познатиот шведски монтажер Робин Сајв, кој, меѓу останатото, соработува и со светски прославените артисти како „Продиџи“, Мадона и „Дафт Панк“.
На студискиот албум, кој го најавуваат со сингловите „Кретен“ и „Марта“, му претходеа два успешни албуми „Big Natural” од 2010. и „Нема назад” од 2013. година. За успехот на составот „Хипнотајзед” говори и фактот дека досега настапувале на најважните регионални музички фестивали како што се „Егзит”, „Супернечрл”, „Бир Фест”, „Гуча“, „Пиво Фест”, „Лејк Фест” и многу други.
Составот е основан во 2008 година во Белград и го сочинуваат шест музичари: два вокали, две гитари, бас и тапани.
Ново на Сител
-
Поништено судењето за смртта на Марадона, процесот од почеток
-
Премиерот Мицкоски утре во Будимпешта ќе има средба со Орбан и ќе присуствува на СРАС конференцијата
-
Викендов авионска дезинсекција против комарци во Скопје
-
Иванишевиќ нов тренер на Циципас
-
Милановиќ: Ниту една држава веќе нема да влезе во ЕУ, можеби само Црна Гора
-
Лишен од слобода криминалец баран со потерница
-
Миле Тодоров кој исчезна во јануари, виден кај планината Серта
-
Тепачка за имот во с.Кадино, се пресметале 83-годишник и 65-годишна жена