Белгија од денеска има вакцинирано два милиона граѓани против Ковид-19
Од денеска Белгија ќе ја постигне целта од 20 отсто вакцинирано население, изјави портпаролката на Штабот за вакцинација Сабин Стордер на денешната редовна прес конференција за Ковид-19., јави дописничката на МИА од Брисел.
По денешниот ден два милиони граѓани, или дваесет отсто од белгиското население, ќе биде вакцинирано.
-Земјата пред неколку недели воведе платформа која им овозможува на граѓаните да се пријават за вакцинирање на местото на оние кои одбиле вакцинација. На овој начин осум илјади граѓани како замена добиле доза, рече портпаролката.
Глобално во Белгија бавно се подобрува состојбата со епидемијата, но иако новозаразените и хоспитализираните се намалуваат, бројот на починати продолжува да расте, а одделите за интензивна нега се и натаму блиску до максималниот капацитет.
Загрижува и стапката на позитивност што се однесува на бројот на позитивни тестови, која е зголемена за 9,4 отсто за само една недела. Стапката на репродукција на вирусот е точно под еден, на 0,99. Кога оваа стапка надминува еден тоа е знак дека заразата забрзано се шири.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка