„Баскерфест“, Крива Паланка
Жителите на Крива Паланка синоќа имаа можност да се забавуваат и да уживаат во тричасовната програма која ја приредија дел од акробатите-учесници на годинашниот „Баскерфест“.
На плоштадот „ВМРО“ и дел од главната улица „Свети Јоаким Осоговски“ во центарот на Крива Паланка настапија 30-тина акробати и артисти од разни земји од светот.
- Трета година по ред Кривопаланчани ги забавуваа интернационални акробати, жонглери, музичари, магионичари со нивните неверојатни и единствени атракции под отворено небо. Оваа година нашата општина ја посетија најголем број учесници од овој фестивал од отворен тип, а Крива Паланка заедно со неколку други градови од земјава е дел од републичката организација на „Баскерфест 2015“, првиот меѓународен и мултикултурен уличен фестивал во Македонија, најголем настан од ваков тип во регионот, изјави градоначалникот на Крива Паланка, Арсенчо Алексовски.
Тој додаде дека „Баскерфест“ е само најава на богатата културна понуда за ова лето која ја приреди локалната самоуправа на Крива Паланка.
-Денешниот забавен перформанс на кој нашите граѓани одлично се забавуваа е увертира на богатата и разновидна културна понуда на „Кривопаланечко културно лето“, манифестација која ја организираме во соработка со Министерството за култура на Република Македонија и Националната установа Центар за култура-Крива Паланка со која и годинава ќе организираме бројни настани, рече Алексовски.
Манифестацијата „Кривопаланечко културно лето“ ќе биде отоврена на 10 јули со „Осоговска староградска вечер“ која ќе се одржи на плоштадот „Карпошово востание“.
Ново на Сител
-
Над 10 отсто од лицата на возраст за пензионирање во ЕУ и натаму работат
-
Митева: Никој што е вмешан нема да биде амнестиран во истрагата за Кочани
-
Американските власти го привеле најпознатиот „тиктокер“ во светот, Хаби Лејм
-
Градоначалникот на Тирана, Велиај, останува во притвор, одбиено барањето за поблага мерка и понудената кауција
-
Иран ја проширува забраната за шетање кучиња во дваесетина градови: „Нечисти се и се симбол на Западот“
-
Орбан: Русија не може да победи ниту во Украина, а не пак да се спротистави на НАТО
-
Квaлификaции зa CП 2026: Макeдoнијa победи прoтив Кaзaxстaн
-
Невреме во Букурешт: Поплави, соборени дрвја и доцнења на летови