Барселона заинтересирана за Тонали
По шпекулациите дека Барселона сака да го ангажира Бруно Гимараеш, каталонските медиуми сега тврдат дека клубот е заинтересиран за уште еден играч од средниот ред на Њукасл - Сандро Тонали.
Интересот за Италијанецот всушност датира од многу одамна. Уште во 2020 година, претседателот на Бреша, Масимо Челино, тврдеше дека одбил понуда од 65 милиони евра плус двајца играчи од Барселона за Тонали. Италијанецот потоа се пресели во Милан, пред Њукасл да го ангажира за 70 милиони од европската валута.
Играчот од средниот ред ја отслужи казната за обложување и оваа сезона игра одлично со „страчките“.
Доколку Њукасл некогаш се согласи да се раздели од него поради која било причина, англискиот клуб ќе побара прилично висока сума за трансфер, која Барселона тешко ќе може да си ја дозволи во сегашната ситуација. Дополнително, приоритет во лето останува привлекувањето на ново лево крило. Сепак, од „Камп Ноу“ ќе продолжат да ја следат ситуацијата со Тонали на долг рок, тврди „Мундо Депортиво“.
Ново на Сител
-
Шефот на дипломатијата на Србија: Нема да има санкции од ЕУ поради посетата на Вучиќ на Москва
-
САД и Кина денеска почнуваат трговски преговори во Швајцарија
-
Приведен стружанец, управувал мотоцикл со 2,28 промили алкохол и излетал од патот
-
За првпат објавен Извештајот за спроведување на макропрудентната политика на Народната банка
-
Ким Џонг-ун: Учеството на Северна Кореја во војната во Украина е оправдано
-
Најмногу дожд во Охрид, Битола и Кавадарци
-
Рим со засилени безбедносни мерки за инаугурацијата на папата Лав Четиринаесетти
-
Тркалезна маса „Патот на Северна Македонија до ЕУ: Предизвици и можности во 2025“