Бајден: До крајот на мај во САД ќе има доволно вакцини за сета возрасна популација
Американскиот претседател, Џо Бајден, денеска изјави дека до крајот на мај во САД ќе пристигнат доволно вакцини за да се вакцинира сета возрасна популација.
Пред само неколку дена во САД дозвола за итна употреба доби и третата вакцина против коронавирусот, на компанијата „Џонсон & Џонсон“, за која советот е да се прими само во една доза.
Белата куќа најави дека ќе ја поддржи соработката на компанијата „Мерк“ со компанијата „Џонсон & Џонсон“, за што поскоро сите вакцини бидат подготвени за кампањата на имунизација.
-Сега сме на добар пат до крајот на мај да имаме доволно вакцини за секое возрасно лице во Америка, рече Бајден.
Претседателот го објави и планот за вакцинација на наставниците и професорите, како дел од приоритетните групи за вакцинирање.
-Ние сакаме до крајот на март барем една доза вакцина да прими секој едукатор, вработен во училиште или работник за грижа со деца, изјави претседателот Бајден.
САД уште во декември почнаа да ги вакцинираат приоритетните групи, користејќи ги тогаш достапните вакцини на „Фајзер“/„Бионтек“ и на „ Модерна“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка