Австриските власти планираат во Унгарија да испратат 75 војници за контрола на бегалскиот прилив
Австриските власти во октомври ќе испратат 75 војници на унгарско-српската граница за да ја засилат контролата врз приливот бегалци од земјите од Блискиот исток и Африка, изјави вчера австрискиот министер за одбрана, Ханс Петер Доскоцил, цитиран од ТАСС.
-Расте бројот на бегалци во Грција кои пристигнуваат од Турција. Италија, исто така, ќе се претовари со бегалци. Ние не треба само да стоиме и едноставно да го гледаме тоа, рече министерот за австрискиот весник „Курир“.
Од тие причини, австриското Министерство за одбрана планира да и помогне на Унгарија во зацврстување на надворешната граница на ЕУ со Србија, изјави Доскоцил, додавајќи дека таа соработка била навестена од долгите преговори со неговиот унгарски колега Иштван Шимичко.
Планот на австрискиот министер предвидува доколку владата во Виена на почетокот на следната недела го разгледа законот за воведување вонредна состојба заради бегалците и му даде зелено светло, тогаш Австрија ќе почне да ги враќа бегалците во Унгарија, а за тоа ќе и биде потребно Будимпешта да е подготвена да ги прима.
-Целта треба да е со Унгарија заедно да ги управуваме границите, додаде тој.
„Можеме да испратиме до 75 војници во Унгарија“, изјави Доскоцил.
И доколку решението биде одобрено, неговата реализиација ќе може да почне уште во октомври, посочи тој.
На 6 септември австриската Влада треба да го разгледа законот за воведување вонредна состојба поради ситуацијата со бегалците.
Ново на Сител
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите
-
Средба Гаши - Лудва: За Чешка од посебно значење е интегрирањето на земјите од Западен Балкан
-
Кривична пријава за „предизвикување општа опасност“ против полициски служеник во Струмица