Австралија го усвои законот за злосторство од омраза, задолжителни казни за нацистички поздрави
Австралија денеска донесе закон за злосторство од омраза, кој вклучува задолжителни минимални казни за дела за тероризам и истакнување симболи од омраза.
Според новиот закон, минималните затворски казни ќе бидат до 12 месеци за помалку сериозни злосторства од омраза, како што се нацистички поздрави во јавноста, и шест години за оние кои се осудени за терористички дела.
„Сакам оние кои се занимаваат со антисемитизам да бидат повикани на одговорност, обвинети и затворени“, изјави австралискиот премиер Ентони Албанезе во интервју за Скај њуз.
Тој претходно се спротивстави на задолжителните минимални казни за злосторства од омраза.
Законот за злосторства од омраза првпат беше воведен во парламентот минатата година, создавајќи нови кривични дела поврзани со закани со насилство или употреба на сила врз луѓе врз основа на нивната раса, религија, националност, политичко мислење, пол, сексуална ориентација и родов идентитет.
Последните месеци се забележани зголемени напади врз синагоги, згради и автомобили на членови на еврејската заедница низ целата земја, вклучувајќи го и откривањето на караван со експлозиви и список на еврејски цели во Сиднеј.
Албанезе беше критикуван од десничарската опозиција за неговиот слаб пристап кон криминалот и неуспехот да се справи со порастот на антисемитизмот.
Министерот за внатрешни работи Тони Бурк рече дека законот е „најстрогиот што Австралија некогаш го имала против злосторството од омраза“.
Сојузната држава Нов Јужен Велс, каде што се случија најмногу антисемитски напади, вчера соопшти дека ќе ги зајакне и законите за говор на омраза за да ги усогласи со законите кои се веќе во сила во Западна Австралија и Викторија.
Ново на Сител
-
До крајот на месецов треба да биде готова новата методологија за потрошувачката кошничка, вели Дурмиши
-
Пожар во една од највисоките згради во Буенос Аирес
-
Дурмиши: Утре или најдоцна задутре треба да се достави Предлог-одлуката за ограничување на маржите до Владата
-
Русија е подготвен да произведува авиони од петта генерација Су-57 во Индија
-
Зеленски подготвен за размена на територии со Москва: Украински области заземени од Русија во замена за Курск
-
Коцевски: Моето постапување во случајот со Вишото јавно обвинителство е согласно закон
-
Данската разузнавачка служба предупредува дека Русија може брзо да се подготви за војна во Европа
-
Обновата на Газа ќе чини повеќе од 53 милијарди долари