Авион на „Рајанер“ принудно слетал во Берлин поради закана со бомба
Авион на нискобуџетниот ирски авиопревозник „Рајанер“ на линијата од Даблин за Краков, ноќеска бил принуден да слета на аеродромот во Берлин поради закана за поставена бомба, пренесе ДПА.
-Полициските безбедносни мерки се завршени без да се открие никаква опасност, изјави портпаролот на берлинската полиција.
„Патниците можеа да го продолжат летот кон Полска со резервен авион“, додаде таа, без да наведе повеќе детали за причините за тревогата.
Според весникот „Билд Цајтунг“, станува збор за закана од бомба, што се покажа како неоснована.
Авионот, во кој имало 160 патници, малку по 20 часот по локално време слетал на пистата на аеродромот Берлин-Бранденбург, во јужниот дел од германската престолнина.
Според германските медиуми, багажот на патниците бил истоварен од авионот за да го пребаруваат кучиња трагачи, додека авионот бил опколен од бројни полициски и противпожарни камиони.
-Авионот на „Рајанер“ побара итно слетување што веднаш беше одобрено, изјави за „Билд“ портпаролот на аеродромот Јан-Питер Хак, прецизирајќи дека патниците биле донесени на терминалот на аеродромот за да се освежат.
Во јули 2020 година, авион на Рајанер леташе по истата рута на релација Даблин-Краков и мораше итно да слета во Лондон по закана за поставена бомба, што, исто така, се покажа за лажна.
Ново на Сител
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот