АстраЗенека ги продолжи тестирањата на вакцината против Ковид-19
Фармацевтската компанија АстраЗенека и Универзитетот Оксфорд продолжија со клинички испитувања на вакцина против коронавирус, откако тестовите беа запрени поради болест кај еден од волонтерите, соопшти компанијата.
„Клиничките испитувања на вакцината за коронавирус AZD1222 се обновени во Велика Британија откако добија потврда од Агенцијата за лекови и здравствени производи (МХРА) дека е безбедно да продолжат испитувањата“, се вели во соопштението на Универзитетот во Оксфорд.
Сепак, АстраЗенека и Универзитетот не откриваат детали за медицинската дијагноза на болниот доброволец.
На 6 септември беа запрени тестирањата на вакцината за коронавирус на фармацевтската компанија и универзитетот во сите земји во светот, со цел да може да се спроведе независна истрага за болеста на волонтерот врз кого беше тестирана вакцината.
Претставниците на компанијата не прецизираа што се случило со волонтерот и колку тоа би влијаело на понатамошниот тек на клиничките испитувања. Извор на „Њујорк Тајмс“ тврди дека станува збор за трансверзален миелитис – акутно воспаление на ‘рбетниот мозок, кое понекогаш се јавува кај вирусни инфекции.
Откако ја испитале состојбата и медицинската евиденција на пациентот, британските научници дошле до заклучок дека тестирањето може безбедно да продолжи.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп